Sa Takot Sa Computer, Kaya Iyan, Kung Nanay Ko Nga.

18 Jun

I.

Natuto si Mama ng Yahoo Messenger at Google Chat,

Kasi magkahiwalay kami.

Tatlong anak niya ang nasa New York,

Isa sa Samoa (at who the hell knows kung asan iyun),

Mga kapatid sa Samar,

Mga pamangkin sa Manila,

At mga pinsan sa Saudi, Netherlands,

Kung saan-saan pa.

Habang siya’y ‘asa California.

II.

Natuto si Mama ng Facebook,

Kasi kailangan niya ng litrato

Ng mga birthday,

Ng mga anniversary,

Ng Christmas,

Ng mga bakasyon,

Na hindi na niya makikita.

At sa Facebook, tag lang ang katapat

Ng paghihiwalay natin,

Ng pagbiyak ng puso

III.

Natuto si Mama na kaibiganin ang mga Pilipino na kapitbahay niya

Dahil marami na ring Pilipino sa kanila.

May sariling mga kamag-anak na pinadadalhan ng pera,

Hiwa-hiwalay din

Sa apat o limang kontinento sa mundo.

Sila’y tatayong pamilya para sa isa’t isa.

Aalagaan niya ang mga anak ng nurse sa kabila.

Didiligan nila ang mga halaman niya.

Tatayong ina, anak, tia at mga pinsan.

Tulad natin dito sa lugar na ito

IV.

Mga Pinay at Pinoy, Fil imm at Fil-Am.

Na hiniwalay mula sa pamilya, kamag-anak,

Mula sa barrio, baranggay at bayan.

Biniyak ang puso

At ngayon

Tatayong ina, ama, anak, kamag-anak sa bawat isa

Na nahandito sa lugar na ito.

Habang sa pamamagitan ng email, chat, Facebook at Friendster

Na lang ang pakikipag-usap sa mga naiwan at nasa malayo,

Tayo-tayo ang makikidamay tuwing may mamatay, may na-ospital, nakulong at nadeport.

V.

Habang tuwing pumamapasok sa remittance center, magpapakatatag at malakas,

Para sa naiwan at nasa malayo

Tayo’y hiniwalay at biniyak

Pero tandaan mong

Iisa,

Iisa,

Iisa

Ang ating diwa

Ang ating puso

Ang ating pakikibaka.

*Written for Mother’s Day Celebration 2009

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: